ANTRUIDO DE LA MONTAÑA LEONESA DE RIAÑO

19 feb 2011 0 comentarios

el ANTRUIDO DE LA MONTAÑA LEONESA DE RIAÑO SE CELEBRA EL SABADO 5 DE MARZO EN RIAÑO-LEONL’ANTRUIDO
Na sociedá tradicional, l’Antruido siñalaba’l fin de l’iviernu y l’entamu la primaveira. Ante la llegada’l equinocciu primaveiral, y dende tiempos prerromanos, fizunse deillas cellebraciones rituales allumandu fogeras. El fuegu pechaba’l ciclu oscuru y tenebrosu del iviernu, espantandu los malos espíritus.
La Mojiganga yera’l nome qu’en Pedrosa’l Rei, daban a los autos del Antruido, sigún rellata D. Constancio Rodríguez, vecin de la localidá y que guei, a sus más de 90 años, facenos alcordare aqueillas datas. L’Antruido o la Choza cellebraranse na Comarca Riañu, tandu documentaos en Sieru la Reina, Carande, Burón, Texerina, Horcadas,Las Salas, Liegos… .

Los presonaxes principales yeran la vieya-símbolu de l’añu saliente-, l’osu- símbolu del mal-, el ciegu (presonax lliterariu popular), las damas -simbolizandu la fertilidá-, el TORU, el toreru y los zamarrones.

El Zamarrón, personax que vien de la nueite los tiempos, cun ropas de pastor feichas cun piel d’animal, cheva una mázcara nel rostro ou va tiznau de prietu y gorru de piel, zamarra, pantalón bombachu, polainas ou escarpín altu y madreñas cun escarpines nas pías. Al gollete la zurrona ya’l turullo (cuernu), y na cintura, los cencerrones pa espantare los malos espíritus. Percuerren cais y caleyas, golpiandu la xente cunas zambombas (vexigas impladas del gochu) ou espardiendu cernada pul suelu.

Debes estar registrado y con tu cuenta para poder insertar comentario o también usar tu usuario de Facebook para insertar tus comentarios:

Comenta esta noticia en Facebook

cerrar