LEÓN SALAMANCA ZAMORA | PAIS LEONÉS

LLïONéS

Vivimos nún mundiu globalizáu. Conocemos cousas insinificantes d'asuntos de mui llonxe, por embargu nun conocemos dalgunas cousas básicas del nuesu arrodiu y lu que ye más importante, que nos forman comu presonas. Esti blog naz pa intentar conocer, lluchar y aldericare sobru'l País Llïonés: una rialidá que ye negada, persegía y reprimía, peru que resiste y que nos influi nel nuesu xeitu de pensar, de vivir y sentir. Sou llïones y nun sou neutral. Dafeichu, creigu que dengún llïonés debería selu na defensa del País Llïonés. Dende esti blogg trataréi de difundire las mias idegas llïonesistas y de que se conozan dalgunas rialidaes del País Llïonés.

Nun sou miembru a dengún partíu politicu, peru quieru facer política. Política llïonesista. Conos mediosque pué un ciudadanu normal que quier implicase na defensa de la sua nacion. las mias idegas sobru outras temas aparte del llïonesismu dirán saliendu sigún espublice más cousas, peru la idega principal que me mueve ye l'axebra del País Llïonés, primeiru de Castiella y nel futuru comu nación dientru de la Xunión Europea. Dalgunos pueden pensare qu'uesti ye un mediu de pouca repercusión. Pa min ye solu un medu más, yá qu'intentu difundir el sentimientu llïonesista por tolos medios al mieu alcance. Guei comienzu un esfoutu individual, peru sei que sou solu unu de milenta llïoneses que piensas y creyen comu you nel País Llïonés. Pa eillos va destináu esti blogg. Puxa'l País Llïonés.

13/11/2005 05:58:22

Coronel Kurtz