LEÓN SALAMANCA ZAMORA | PAIS LEONÉS

EL NOME OU SUSTANTIVU

El sustantivu, tamién chamáu nome, ye un elementu de la oración variable en xéneru y númberu, cuya función ye la de suxetu ou complementu direutu, y acompañáu de preposición la de complementu indireutu, circunstancial y suplementu.

1. EL NOME OU SUSTANTIVU.

1.1 Clasificación.

El nome clasifícase comu:

-Propiu (Lluis, Nel, Dubardu, Lluna,...) y Común ou xeneral (perru, coche, muyer,...)
-Concretu (oxetu independiente: cuchar, zapatu,...) y Astrautu (cualidá qu’esiste xuntu al oxetu: la friura’l xelu ).
-Simple (llibru, fierru,...) y Compuestu (Kilómetru, parauguas,...)
-Primitivu (caldeiru) y Deriváu (caldereiru)
-Individual (teya) y Coleutivu (teyáu)

1.2 Formación del Masculinu y el Femeninu.

En Llïonés los nomes femeninos fórmanse d’alcuerdu conos casos que siguen darréu:

1.2.1 Masculinu –u / femeninu –a.

Cuandu’l masculinu fina en –u, el femeninu fórmase xeneralmente sustituyendu –u por –a :

- el perru - la perra
- el fiyu - la fiya

1.2.2 Masculinu –e / femeninu –a.

Cuandu’l masculinu fina en –e, el femeninu fórmase xeneralmente sustituyendu –e por –a :

- el presidente - la presidenta

1.2.3 Masculinu en consonante / femeninu en consonante + a :

Cuandu’l masculinu fina en consonante, el femeninu fórmase xeneralmente añadiendu –a :

- el siñor - la siñora
- el llabrador - la llabradora
- l’amolador - l’amoladora

1.2.4 Irregularidá na formación del femeninu.

Hai que tener en cuenta que deillos términos masculinos camudan el femeninu de sou por cuestiones etimolóxicas ou de tratamientu de consonantes intervocálicas ou de los sufixos.

1.2.4.1 Masculinu –áu / femeninu –ada.

- l´abogáu - l´educáu
- la educada - el llicenciáu
- la llicenciada

1.2.4.2 Masculinu –íu / femeninu –ida.

- el berríu

- el glayíu - la glayida

1.2.4.3 Masculinu –éu / femeninu –eda.

- el carbayéu - la carbayeda
- el castañéu - la castañeda

1.2.4.4 Masculinu –eiru / femeninu –eira.

- el caldereiru
- el zapateiru
- la zapateira

1.2.5 Formación del femeninu por sufixación.

- sa : l’alcalde - l’alcaldesa
- isa : el sacerdote - la sacerdotisa
- ina : el rei - la reina

1.2.6 Distinta raíz llésica pal masculinu y el femeninu.

En deillos casos el femeninu ye una pallabra estremada dafechu al masculín:

- l´home - la muyer
- el pá - la ma
- el caballu - la yegua
- el carneiru - la oveya
- el castrón - la cabra
- el güe - la vaca
- el xenru - la nuera

1.2.7 Confluencia morfolóxica ente’l masculinu y el femeninu.

Estos nomes chámanse epicenos, y la variación de xéneru vien dada pola variación del artículu:

- el xurista - la xurista
- l’economista - la economista

1.2.8 Sobru’l xéneru de dalgunos sustantivos.

A diferencia del castellán tien xéneru masculinu en Llïonés pallabras comu:

- el sal - la sal
- el miel - la miel
- el lleite - la leche
- el llume - la lumbre
- el sartén - la sartén
- el cal - la cal
- el couz - la coz

A diferencia del castellanu tien xéneru femeninu en Llïonés pallabras comu:

- la canal - el canal
- la cubil - el cubil
- la fin - el fin
- la salitre - el salitre
- la pantasma - el pantasma
- Tolos árboles frutales:
- la peral - el peral
- la zreisal - el zreisal

1.3 Variación xenérica y conteníu semánticu.

La oposición masculinu –u / femeninu –a tien valores semánticos desemeyáos a los xenéricos de masculinu / femeninu, comu:

1.3.1 Tamañu:

- ventanu - ventana
- portiellu - portiella

1.3.2 Forma:

- cuencu - cuenca
- pote - pota

1.3.3 Calidá:

- sayu - saya

1.3.4 Colectividá:

- leñu - leña
- madeiru - madeira

1.4 El Númberu. Formación del plural.

1.4.1 Desinencias xenerales

Los nomes, tantu masculinos comu femeninos, y tantu si finan en vocal ou consonante, forman el plural añadiendu la desinencia –s cuandu finan en vocal y –es cuandu finan en consonante.

- ferre - ferres
- pumar - pumares

1.4.2 Sustantivos masculinos.

1.4.2.1 Singular fináu en vocal átona / plural –s.

- el llobu - los llobos
- el rei - los reis
- el furacu - los furacos
- el cura - los curas

1.4.2.2 Singular fináu en vocal átona –e / plural –nes.

- el marxe - los márxenes
- el resume - los resúmenes

1.4.2.3 Singular fináu en vocal tónica / plural –s.

- el parqué - los parqués
- el xalé - los xalés

1.4.2.4 Singular fináu en consonante / plural –es.

- el fulgacián - los fulgacianes
- el chaval - los chavales

1.4.2.5 Singular en –ín / plural –inos.

- el molín - los molinos
- el camín - los caminos
- el xatín - los xatinos

1.4.3 Sustantivos femeninos.

1.4.3.1 Singular fináu en vocal átona / plural –s.

- la lloba - las llobas
- la foto - las fotos
- la fiya - las fiyas
- la partida - las partidas

1.4.3.2 Singular fináu en vocal tónica / plural –es.

- la llibertá - las llibertaes
- la verdá - las verdaes
- la virtú - las virtúes

1.4.3.3 Singular fináu en consonante / plural –es.

- la canal - las canales
- la figal - las figales
- la muyer - las muyeres

1.4.4 Confluencia morfolóxica ente singular y plural.

Las pallabras llanas finadas en –s caltienen la misma forma en singular y plural.

- el Llunes - los Llunes
- la tesis - las tesis
- la crisis - las crisis

1.4.5 Sustantivos con forma plural.

- los antioyos
- las coscas
- las trébedes
- las pregancias

1.4.6 Sustantivos con usu tantu en singular comu en plural.

- el pantalón - los pantalones
- el calzón - los calzones
- el culiestru - los culiestros
- la tixera - las tixeras
- la braga - las bragas
- la traza - las trazas

Maquetu

Volver a cursu-de-lliones