LEÓN SALAMANCA ZAMORA | PAIS LEONÉS

LOS MOLINOS DE CASTROCONTRIGU

Avezaos, yá en cualesquier fasteira ú nos alcontreimos, presenciare numberosas y siguidas agresiones escontra l'entornu natural, poru sospréndenos y a la mesma vegada gratifícanos descubrire llugares fermosos onde se compaxina l'aición del home col respeutu a la naturaleza. Ún d'estos llugares yía'l que güey chama la nuesa atención y nel que nos paramos col envís de caltenelu na nuesa memoria pa siempres. Trátase del entornu onde s'alcuentran los molinos d'augua de Castrocontrigu, en cuya contemplanza párase el reló. Ablucaos na güeyada de sou, vamos cuntiare una piqueña parte de la sua hestoria: cómu yeran (y entá son) estos molinos, cómu s'alministraban y cuál yera el sou cometíu.

A cimeira vista, en xeneral, destaca el sou valor ecolóxicu. Costruyíos con materiales d'alrodiu, piedras del rieu, adobe y madeira, llueñe resultare poucu afayadizos col paisaxe fúndense col sou color natural. Nel cursu del ríu Eria, al sou pasu por Castrocontrigu, hubu, cuantu menos, quince ou selce molinos d'augua; cifra d'importancia en rellación col númberu de vecinos. Eillu reflexa el potencial hidráulicu del rieu, y el bon aprovechamientu d'éste polos moradores del pueblu. Fonun deillos los usos, munchos conocios, peru sobru tóu se destinanun pa moler el cereal nas dúas variantes: Nuna d'eillas, el molín usábase pal piensu de los animales (provinía del centenu, avena ou cebada); yeran estos molinos comunales, meyor comunitarios. Na outra variante, de los nomados molinos maquileros o tahonas, en principiu usábanse pa molere trigu pal consumu humanu, anque tamién pa la molinda de piensu, en menor midida. De cuandu en cuandu, chegóse a molere la llinaza, cuya aceite se usóu comu combustible de faroles, candiles, ya basa pa pinturas. Yía de destacare nesti pueblu d'outras aplicaciones del molín: tol mundiu remembra la fábrica de lluz, la fábrica de chocolates y los aserradeiros. La sua esplotación, de los molinos, se desendolca bien en réximen comunitariu, ou bien en réximen priváu. L'algama de piensos yera'l finxu cimeiru nel primeiru de los rexímenes; el restu yeran de réximen priváu. Nel usu comunitariu de los molinos, los dueños yeran propietarios cona entrega de capital y col sou trabayu; si dalguna outra presona naguaba facese sociu, podía facelu mercandu una participación social. La propiedá d´esa cuota comunal pasaba de pais a fiyos, cuandu aquéillos morrían, perpetuandu la permanencia de la familia nel molín. Pal bon goviernu del molín taban los xuices, que yeran dúas presonas nomadas pola mayoranza socios y que aceutaban el cargu pa resolvere cualesquier casu refrente al mesmu: arreglos, reparaciones, llimpiezas del calce del ríu, amás de xestïonar el dineiru presupuestáu pa tales casos. L'usu del molín se llevaba por 'velías', ye dicire: los llabores se desendolcaban por días enteros conas suas nueches; velias qu´incluyían la recoyida pol copropietariu de las chaves que´l cimeiru vecín dába-y al día sigiente; el turnu yera únicu, de ún ou dous días, sigún l'aportación económica que ca ún fizu, respondiendu del molín nesi tiempu. Las tahonas, de propiedá privada, daban el sou serviciu pa la molienda de trigu a outros particulares, vecinos ou non. El pagu que se facía'l molineiru yera n´especie, la chamada 'maquila', en que'l molineiru tomaba una parte del granu pa él enantias de molelu; la midida s'establecía sigún el pesu de la saca de trigu. Los molinos de Castrocontrigu molían tol añu, tantu n'hibiernu comu nel branu, dáu que'l calce de sou rieu asina permitíalu. Anque, na época de la posguerra solía facese sólu de nueche pa evitar el requisamientu. Pal visitante curiosu recomiendu-ye que visite'l nuesu pueblu, peru pa outra vegada amosaréi nestas páxinas el camín a sigire por estos paraxes.

Volver a textos-en-lliones