LEÓN SALAMANCA ZAMORA | PAIS LEONÉS

¿QUé PASA COLA CRUZ DE FIERRO?

Oxetivu: Foncebadón

Son yá cuatru las agresiones materiales que la mítica cruz del Foncebadón vien sufriendo dende 1.998. El mayu de madera ye tayáu por dalgún desaprensivu ensin sabese mui bien lo que pretende, anque la xente de la redolada tien dalguna qu'outra idega.

Lo que resulta más sosprendente ye la forma na que la prensa llionesa trata la noticia.

La Cruz de Fierru nel altu de Foncebadón, na tierra de Maragatos, ye´l símbolu cimeiru del Camín de Santiago nel sou percorríu por tierras de Llión. Anque´l sou orixe ta enchenu de lleendas al paecer nun se trata más que del último resclavu d´un conxuntu de cruces que marcaban las llendes del tarrén que pertenecía a l´Agospedería de Foncebadón.

Faen continuas entrevistas al presidente de la Casa de Galicia en Ponferrada, que nun sabemos qué diaños pinta na cuestión se nun ye que va poucos años arramplorun con unos terrenos del conceyu pa facese una ermita xunta la cruz na que cellebran cada 25 de xulicu cúmu se cargorun la romería que las xentes d'El Bierzu y Maragatos tenían cumu tradicional, el sentíu del llugar y hasta'l sou nome popular, tracamundiándolu pol de Cruz de Ferro. Diz la lleenda que nesti llugar las bruxas llionesas tenían el sou aquellarre. Cumu se ve, agora s'aconceyan outru tipu de meigayos.

L'artículu que trescribimos darréu foi espublizáu pol Faro Astorgano cumu retalu a una intervención d'un investigador llionés tres la denuncia que l'asociación La Caleya fixera sobre la falsificación del nome de la cruz.

Volver a textos-en-lliones