El Val del Eria: ¿existe ou non?

29 ene 2012 0 comentarios

De xuru que si entrugas a la xente por La Valdería nun sabe atopala nun mapa del nuesu país; anque tal vegada podamos alcontrala si llegamos dende´l ríu Eria, que-y da’l sou topónimu: nel coral y nas llindes de La Cabreira conos afluyentes del mesmu ríu Eria, el ríu Truetiellas y el ríu Iruela, y siguiendu’l cursu de l’augua, tal pueblu de Morla de la Valderia, pueblín de poucos vecinos peru de gran encantu.

Siguimos carreiteria abaixu ya atopámonos con Torneiros de la Valderia, onde podemos falare abondu conos paisanos na nuesa llingua.

Más abaixu entá, chegamos a Castrocontrigu (castrum cum Thericum) y cabeceira del Ayuntamiento nesta fasteira.

Darréu tomamos el camín sentíu La Bañeza y vien Nugariyas (Nogarejas), el pueblu al lláu del miéu, que ha bien poucu recostroyóu el sou pendón, ya perdíu nel sieglu XIX.

Dempués vienen Pinilla de la Valderia y Pobladura de Yuso (Pobladura de abaixu), onde´l Eria lleva menos augua, anque tamién esisten pozas pal bañu.

Llueu ta Felechares –deriváu del términu felechu-, San Félix de la Valderia y Calzada de la Valdería, toos eillos dientru l’Ayuntamientu de Castrocalbón; nuevu Ayuntamientu y pueblu que nel medievu y el renacimentu tuvu estatus de villa y munchos siñores, comu los Ponce, condes de Cabreira, etc. y de cuya remembranza da fé’l restu del sou castiellu.

A la fin del trayeutu, el pueblu de San Esteban de Nogales, ú alcóntrase un famosu conventu cisterciense y güei día totalmente en ruinas.

A partire d’eiquí la hermana tierrina zamorana, de Alcubillas de Nogales a Manganeses de la Polvorosa, onde’l Eria da nome al ríu Orbigu.

Fuente: Gabriel Carracedo para el Diario de León

Debes estar registrado y con tu cuenta para poder insertar comentario o también usar tu usuario de Facebook para insertar tus comentarios:

Comenta esta noticia en Facebook

cerrar