LEÓN SALAMANCA ZAMORA | PAIS LEONÉS

SOFITA'L .LLI

Nombre: Anónimo
Comarca: -
Mensajes: -
Fecha: 12-01-2007 07:45:57

■ Entamu

La comunidá cultural y llinguística llïonesa amuesa un esporpolle curiosu nos cabeiros años.

L'emburrie a la creyación, espublización y usu del de la llingua llïonesa al traviés de las TICs, ha cuntare cun un espaciu propiu bien nidiu, cun una marca que nos identifique na comunidá internauta cumu lu que somos, cumu llïoneses.

Nesi sen ñaz puntuLLI, un espaciu común pa que tolas asociaciones, coleutivos, instituciones y particulares encalcen la propuesta de creyar un domiñu propiu pa la nuesa cultura y el nuesu idioma: el .LLI

■ Finxos

L'Asociación puntuLLI tien tres finxos cimeiros:

* Promocionar el .lli na comunidá internauta cumu domiñu propiu y representativu de la cultura llïonesa espresada a través del nuesu idioma.

* Facer un pidimentu oficial a la ICANN (Internet Corporation For Assigned Names and Numbers) de la reconocencia del .lli, recoyendu los fondos necesarios nesi sen.

* Promovere y axuntare los sofitos particulares de las istituciones, asociaciones, organizaciones y coleutivos llïoneses a favor d'un domiñu propiu d'Internet.

■ ¿Pur quéi un .LLI?

La presencia de la llingua y la cultura llïonesa na Internet ye ca día más importante.

El desenvolvimientu de las TICs al traviés de webs, chats, foros, messengers y demás sistemas de comunicación fain necesaria la solicitú d'un dominiu .LLI que nos identifique cumu comunidá cultural y llinguística.

Nesi sen, puntuLLI tien cumu finxu algamare de la ICANN la reconocencia d’un domiñu de primer nivel, de los nomaos esponsorizaos (sponsored TLD)

Baixu un dominiu .LLI podrán rexistrase tolas webs qu'anguañu cubren la rede internacional escritas na nuesa llingua ou que falen y sofiten la nuesa cultura. La comunidá cultural y llinguística catalana algamara esti estatus nel añu 2005, y outras cumu la bretona, gallega y galesa tienen bien avanzaos los trabayos nesti sen.

La nuesa llingua ta reconocida pula UNESCO y pul proyeutu d'Estatutu de Castilla y León reconoz y recueye la proteición y l'espoxige de la mesma, pulu que puntuLLI nagua purque tolas alministraciones y partíos políticos llïoneses trabayen a comuña nesti camín.

Poru, puntuLLI fai un chamáu a tolas asociaciones, organizaciones, coleutivos, empresas, entidaes y particulares a qu’enchenen el formulariu de sofitu pa esti proyeutu que nos proyeutará internacionalmente cumu lu que somos: la comunidá cultural y llinguística llïonesa

■ Robra pul .LLI

Nosoutros, internautas que participamos de la comunidá cultural y llinguística llïonesa:

* Facemos un pidimentu a las istituciones internacionales competentes pa la reconocencia del domiñu .lli.

* Facemos un pidimientu a las istituciones llïonesas pa que sofiten esti pidimentu.

www.puntuLLI.org

responder a este tema volver

Páginas
0