LEÓN SALAMANCA ZAMORA | PAIS LEONÉS

I DíA DE LA LLINGUA LLïONESA

Nombre: Anónimo
Comarca: -
Mensajes: -
Fecha: 09-06-2006 00:48:55

Esti sábadu Xunu y 10 va cellebrase pur primer vuelta el Día de la Llingua Llïonesa.

Las asociaciones El Fueyu, El Toralín, La Barda y Pro Monumenta entaman esti primer Día de la Llingua Llïonesa na ciudá de Llión.

Tan importantísima cita tendrá llugar col finxu d'apresentar el primer d'una, esperamos que mui llarga, riestra de llibros en Llïonés: Cuentos del Sil, obra escrita pur escritores de la nuesa comarca d'edaes ente los 18 a 80 años, cumu exemplu de que la nuesa llingua sige viva na nuesa rexón.

Durante l'autu habrá autuaciones de música tradicional a cargu deillos intérpretes y grupos musicales. Tamién habrá lleuturas de poemas feichas d'alunos de Llingua Llïonesa y outras presonalidaes de la vida política y cultural.

L'autu ye gratuitu y abiertu pa quien quiera dire. Ye una cita iprescindible que servirá de fitu importante tantu de referencia histórica cumu social na reivindicación de la Llingua Llïonesa y el sou procesu de renormalización social.

Dende eiquí, encamentámosvos a dire a esti primer Día de la Llingua, tantu pur ser el primeiru, cumu pur ser un autu hestóricu en defensa de la nuesa llingua.

Data y hora: Xunu y 10, a las 19:30 horas.

Programa:

- Presentación del llibru "Cuentos del Sil"
- Teatru en Llïonés a cargu del grupu "Tsaciana"
- Música Tradicional
- Poemas en Llïonés

Llugar: Salón d'autos del Ayuntamientu de Llión (entrada pur C/ Alfonso V)

http://www.elfueyu.net
http://www.eltoralin.com/dia_llingua.php

responder a este tema volver

Páginas
0