La ruta ‘ Los Molinos (II)

29 ene 2012 0 comentarios

Lu primeiru a considerare yía que l´augua del ríu Eria se separa por duas presas difrentes, costituyendu duas canales que nesta fasteira nóman-yes “caños”, a cuiu llargu recorríu alcontramos los molinos. Pa ve-yes toos unu tien que trespasare d´un cañu a outru n´algún momentu. Estos caños se conoucen unu col nome de “Caño del Concejo”, porque yera´l conceyu del pueblu quien costruyía la presa pa retenere l´augua, y el segundu comu “Caño de Gregorio”, nome d´un vecín dueñu d´una tahona y que s´ocupaba de facere la presa pa disvïare l´augua que daba fuercia´l sou molín. Los dous caños chevan las suas auguas de móu paralelu, y n´algún estadiu tan prósimas que paece van arrexuntase.

La ruta entama auguas enrriba, na parte alta del cañu “Concejo”, a unos tres kilómetros de la plaza del pueblu´n direición oeste, y trascuerre baixandu por un ou outru cañu hasta pasáu´l pueblu, unos trescientos metros direición este. Caminines que peta rïalizare en cualesquier momentu, peru sobretóu nuna mañana de friura n´estiu, ou nuna tarde asoleyada de primaveira, y cuiu recorríu perdura duas horas a pasu normal.

El cimeiru de los molinos a visitare ta a dous mil y sietecientos diez metros de la plaza, nel cañu “Concejo”, tamién nomáu comu cañu de “Don Juan”: yía la Tahona d´enriba ou Molín d´Ezequiel, que comu tolas tahonas molía trigu pa facere´l pan. Fóu una tahona de gran autividá pol sou enclave xïográficu: tandu nu más altu del cursu del ríu nun compartía l´augua con nengún outru molín, por tantu tinía más disponibilidá d´augua que nengunu. Neilla molían, amás de los vecinos del pueblu, xentes de los pueblos d´alreor, sobretóu los situaos nas llendes sur ya oeste. Dende fuera s´aprecia la sua planta reutangular, la comporta d´entrada d´augua pal molín, l´aliviadeiru y el serón que permitía deixar el molín secu pa las suas reparanzas.

A kilómetru y midiu s´alcuentra´l Molín del Chocolate, destináu pa molere´l cacáu y pa outras tareyas asemeyadas. N´outru tiempu tubu más cercanu al pueblu, nel cañu “Gregorio”, peru la perda d´augua del sou calce fizu necesariu, primeiru l´usu de tración animal, y, dempués, el sou trasladu al cañu autual. Tien la sua arquiteutura abondu difrente al restu de molinos, yía más grande, tien arcu de ladriellu, caltien un mecanismu d´ellevación de comportas por engranaxe, porque la sua costrución fóu postreira.

Sigiendu´l cursu del cañu ta´l Molín Zapatiella, de planta cuadrangular y aspeutu roxizu, ensín que naide pueda contare l´orixe d´esti nome, anque d´algunos dicin que la razón del sou nome yía que taba llonxe y había munchu camín fasta chegar al mesmu. Esti molín, comu los demás comunitarios, toos con cálteres asemeyaos, yera más piqueñu que las tahonas. Usábanse pa molere cereal pal piensu animal. Nel esterior se ve que la toma d´augua yera igual qu´en las tahonas, ya la sua difrencia pa conos outros molinos yía el furacu de salida del augua, que torna xeitu d´arcu en vegada de sere reutangular, pue sere que pola tardanza na sua costrución. El molín Zapatiella tuvu nel centru del pueblu, nel barriu Curtidos, mui cerca, auguas abaixu, de la fábrica de lluz de D. Juan, cuiu desendolque torgaba, asina que´l sou dueñu lu mercóu y trasladóu al llugar onde guey s´alcuentra. N´autualidá sigui furrulandu y, de cuandu en cuandu, entá puede vese moliendu.

Atopamos la Tahona de Juan “el Juanillo” más abaixu entovía, cuia fachada ye prestosa cona sua planta reutangular de corredor voláu, que da un sóu aquél a la vivienda de la planta cimeira. Los dóminos autuales cuentan que faz douscientos años que se costruyóu, y que las suas piedras de molere vinun de Francia. Tinía dous molinos, unu de farina panificable y outru pal piensu de cereal; tiniendu esti últimu la particularidá de molere tamién la llinaza. Entá caltien las “entrimueyas” y numberosas partes en bon estáu de conservancia.

El Molín del Práu ta ya nel cascu urbanu, sobru´n práu. Tien las mesmas cauterísticas que los molinos comunitarios. Dende´l camín d´esti molín se pasa´l cañu “Gregorio”, onde se geya un saltu d´augua y unas colunas que fonun l´enclave del Molín del Chocolate, situáu agora más enriba.

Pasín a pasín chegamos a la Tahona de “Gregorio”, nun bonitu paraxe y abondu prósimu a la carreteira del pueblu, yá nel cañu que cheva´l sou nome. Gregoriu: un mayestru escuela veníu a molineiru pola sua muyere; polu tantu, trasmitíase por Heredanza. La vivienda se costruyóu al lláu, y la habita la súa descendencia. Tamién molían cereal pa piensu amás de trigu pa facere´l pan, camenta argullosa la dueña de sóu, y que tenía llimpiadora, cernedora y molín de duas muelas. Los sous utensilios se trasladanun pa outru molín, peru entovía caltien los sous arcones, el sistema de poleas, ellevadora pa subire la farina a la cernedora y toda la sua arquiteutura interna, bonita, bonita.

Pol camín d´esti molín s´atopa cona carreteira del pueblu y al tiempu nos alcontramos col sigiente.

El Molín-Fábrica de “D. Juan” fóu propiedá de deillos dueños col pasu del tiempu; unu d´eilllos (Evaristu) tuvu fasta tres molinos, siendu ún de los mayores empresarios del pueblu na súa dómina; peru se counoz comu fábrica de la lluz de “D. Juan” porque ésti, que fóu´l postreiru amu, proporcionóu la lluz pal pueblu fasta que s´istalanun las grandes compañías elléutricas. Fóu aprovecháu en forma ya que de día facía de aserradeiru y taller carpinteiru, y de nueche la súa corriente d´augua movía una turbina elléutrica, produciendu fasta venti CV que daban lluz a midiu pueblu, esclusivamente de nueche (de día nun había lluz). Gey tan sólu pue vese, na sua parte traseira, el saltu d´augua y el furacu de las suas comportas.

Traspasandu la carreteira, yá´n direición este y sigiendu´l cursu del cañu “Gregorio”, se divisa un piqueñu molín: el Molín de la Calva, que´l paseyante pue visitare abondu, oservandu la pendiente de la cayida d´augua y el cillindru de chapa metálica qu´arrodia´l rodieznu que torna´l molere. Na sua fachada s´alcuentran dúas piedras grandes de molere, una llisa que se ponía debaixu, y outra estriada que se ponía enriba l´anterior. El cereal triturábase entrambas. Entá furrula cuandu lu pide dalgún vecín.

Baixandu pola calle La Puente chegamos al Molín del Teyáu, nel cañu “Gregorio”. Tamién yía un piqueñu molín comunitariu pa molere cereal destináu pal piensu de los animales, conas cauterísticas d´esti grupu. Esti molín entovía s´alcuentra furrulandu.

De nueu camudamos de cañu y a poucu trecho, sigiendu la cai La Puente, atopamos las ruinas del Molín de la Molineira. D´esti sólu se caltienen ruinas nun paisax pintorescu. Se diz que yera grande en forma y se usóu pa moler el cereal pal piensu animal. Cuentan que la sua particularidá yera que tenía´l rodieznu de madeira en llugar de metal. Lu qu´indica sere más antiguu que´l restu.

Al traviés d´una antigua eira se torna´l cañu “Concejo” y s´alcuentra la Sierra del Ti Calzón, propiedá de la familia Calzón. De lu que s´acuerda-y, retornandu unos cien años, yía que lu costruyenun duos socios que, llueu, se separtanun y dividienun el calce del ríu en dous, repartiénduse´l augua por selmanas; d´eiquí que se geyan dous molinos xuntos con dous pares de comportas ya un comportón. Fóu aserradieru y cepilladeiru (de madeiras). Anguañu perdura una d´eillas (anque muévese de móu abondu desemeyáu) y que cheva el nome del sou propietariu, “Santi”, descendiente de los propietarios d´antañu. S´alcuentra a cincucientos y cincuenta metros de la plaza del pueblu´n dirección este.

Al sóu lláu pue vese´l Molín de la Rula (l´outru sociu).

Avanzandu un poucu más embaixu tan las ruinas del Molín de “El Chulo”. Un cimeiru molín d´esti propietariu tubu deillos usos, fóu fabrica de lluz pa la metad del pueblu que nun illuminaba D. Juan, y tamién se usóu pa facere chocolate.

A poucos metros d´estas ruinas xuntánse los caños, el cañu “Gregorio” col cañu “Concejo”, y nesti puntu tubu enclaváu´l segundu Molín de Manuel Carracedo, “El Chulo”. Eillu cuandu abandonóu l´anterior, puestu que nesta llende disponía del augua dambos caños. Sigióu conas mesmas autividaes que´l primeiru. Guey sólu tan las suas ruinas.

Con este paseyu finamos la ruta los molinos en Castrocontrigu, anque bien podemos visitare d´outros paraxes del mesmu términu conas suas cauterísticas, fermosas todas eillas, y que nos amuesan l´encantu d´estas tierras llïonesas.

Fuente: Gabriel Carracedo para el Diario de León

Debes estar registrado y con tu cuenta para poder insertar comentario o también usar tu usuario de Facebook para insertar tus comentarios:

Comenta esta noticia en Facebook

cerrar